“Қўқон минтақавий темир йўл узели” унитар корхонаси ҳудудий касаба уюшма қўмитаси ва унинг тасарруфидаги бошланғич қўмиталар ташаббуси билан 8 март — Халқаро хотин-қизлар куни муносабати билан Қўқон ва Андижон ҳудудларида меҳнат қилаётган темирйўлчи аёллар ўртасида соғлом турмуш тарзини шакллантириш, уларни саломатликларини сақлаш мақсадида аёллар спорт мусобақалари ташкил этилди

“Ўзбекистон темир йўллари” акциядорлик жамиятида 8 март – Халқаро хотин-қизлар куни муносабати билан байрам тадбири ўтказилди.

Бугун 8 март – Халқаро хотин-қизлар байрами!
Табиат чирой очиб бораётган мана шу илк баҳор кунларида кўнгилларга гўзаллик ва хурсандчилик, файзу тароват олиб келадиган бу қутлуғ айёмни нишонлаш алоҳида ўрин тутади. Муҳтарама аёллар шаънига энг самимий, энг олижаноб сўзларни, ҳурмат ва эҳтиром, меҳр-оқибат, севги ва садоқат туйғуларини изҳор этиш учун яна бир имконият туғилади.

«Локомотив»  марказий  жисмоний  спорт  клубида  8 март  — Халқаро хотин-қизлар байрам муносабати билан спорт мусобақаси ташкил этилди. Мусобақада  «Локомотив»  марказий жисмоний спорт клуби ҳамда «Сихатгоҳ» санаторияси  аёл ходимлари  стол тенниси, дартс, кегли спорт турлари  бўйича беллашдилар.  Темирйўлчи аёллар жисмонан соғлом, эпчил ва чаққон эканликларини исботладилар.

Баҳорнинг пойқадами билан бошланган гулдек опа-сингилларимиз байрами шукуҳи ҳали узоқ вақт кўнгилларимизни нурафшон этиши табиий. Ватанга, оилага, ҳаётга ва келажакка эҳтиром — аёлга, онага эҳтиромдан бошланади. Аёлини асраган эл қудратли, онасини эъзозлаган фарзанднинг толеи баланд бўлади.

Аёлларни, қизларни баҳорга қиёслашади, баҳорни уларга. Гўзаллик, нафосат, янгиланиш, ҳаёт давомийлиги баҳор ва аёл тушунчаларида уйғунлашиб кетади. Темирйўлчилар марказий касаба уюшма кутубхонасида 8-март Хотин-қизлар байрами муносабати билан ўтказилган “Баҳор таровати сен билан аёл” мавзусидаги маънавий-маърифий тадбирда шу ҳақда сўз борди.