“Темирйўлчилар куни” байрами арафасида Бухоро минтақавий темир йўл узели унитар корхонаси Ҳудудий касаба уюшма қўмитаси томонида Самарқанд шаҳридаги “Дельфин” сув ҳавзасида  сузиш бўйича мусобақа ташкил қилинди.

Меҳнаткашлар ва уларнинг оила аъзолари ўртасида жисмоний тарбия ва спортнинг оммавий турларига қизиқишни ошириш, улар ўртасида соғлом турмуш тарзини тарғиб этиш орқали ўз саломатлигига масъулият ҳиссини шакллантириш мақсадида Ўзбекистон темирйўлчилари ва транспорт қурувчилари касаба уюшмаси Республика Кенгашининг бошланғич касаба уюшма қўмиталари томонидан соғломлаштириш ва оммавий спорт тадбирлари ўтказилмоқда.

“Ўзтемирйўлқурилишмонтаж” унитар корхонаси касаба уюшма қўмитаси ташаббуси билан “Спорт – соғлиқ гарови” шиори остида ўтказилган тадбир Ўзбекистон Республикаси Конститутцияси қабул қилинган куннинг 28 йиллигига бағишланиб, унда корхона ишчи-ходимлари стол тенниси, узоқликка сакраш, дартс ва кегли спорт турлари бўйича ўзаро беллашди.

Спорт мусобақасини қизиқарли ва адолатли ўтказилишини таъминлаш мақсадида касаба уюшмаси қўмитаси томонидан барча зарур шароитлар яратиб берилди. Ҳар бир беллашув ҳакамлари томонидан адолатли бошқариб борилди. Кескин ва муросасиз баҳсларда энг кучлилар аниқланиб, ғолиблар номи эълон қилинди. Унга кўра аёллар ўртасида бўлган дартс Шахноза Абдураимова, кегли спорт мусобақасида эса Шахноза Каримова ғолибликни қўлга киритди. Эркаклар ўртасида стол тенниси бўйича Бунёд Комилов, узоқликка сакраш бўйича Фарҳод Раҳимбердиев етакчилик қилди. Ғолиблар 5 декабрь куни Ўзбекистон темирйўлчилари ва транспорт қурувчилари касаба уюшмаси Республика Кенгаши томонидан ўтказиладиган спартакиадага йўлланма олишди. Мазкур мусобақа якунида ғолиблар ҳамда иштирокчилар корхона касаба уюшмаси қўмитасининг эсдалик совғалари билан тақдирланди.

Маълумки, 2011 йилдан бошлаб Ўзбекистон касаба уюшмалари Федерацияси тизимидаги бошланғич касаба уюшмалари ташкилотлари ўртасида «Энг намунали бошланғич ташкилот» республика кўрик-танлови ўтказиб келинмоқда. Бу йил ҳам Ўзбекистон касаба уюшмалари Федерацияси Кенгаши Раёсатининг 2015 йил 31 мартдаги қарори ижросини таъминлаш мақсадида ана шу кўрик танлаовда иштирок этиш учун барча бошланғич ташкилотлар кенг жалб қилинди.

Ўзбекистон Республикаси Вазирлар Маҳкамасининг 1996 йил 10 сентябрдаги 311-қарорига биноан “Давлат тили ҳақида”ги қонун қабул қилинган кундан эътиборан ҳар йили 21 октябрда “Ўзбек тилига давлат тили мақоми берилган кун” байрам сифатида ўтказиб келинмоқда. Шу муносабат билан 2018 йил 25 октябрда Марказий касаба уюшма кутубхонасида “Ўзбек тили - фахримиз, ғуруримиз” мавзусидаги маънавий-маърифий тадбир бўлиб ўтди.