Наврўз умумхалқ байрами муносабати билан Бухоро локомотив депосида “Муқаддас аёл” номли кўрик-танлов бўлиб ўтди.

Унда депода фаолият кўрсатаётган хотин-қизлар “Таъмирловчилар”, “Нафосат”, “Дугоналар” ҳамда “Тадбиркор аёл” каби гуруҳларга бўлиниб, ўзаро беллашди.

Кўтаринки руҳда ўтказилган баҳсларда “Нафосат” гуруҳи “Муқаддас аёл”, “Дугоналар” гуруҳи “Энг қувноқ жамоа”, “Тадбиркор аёл” гуруҳи “Энг зукко аёл”, “Таъмирловчилар” гуруҳи “Энг фаол жамоа” номинациялари бўйича ғолибликни қўлга киритди. Уларга Бухоро локомотив депоси касаба уюшмаси томонидан эсдалик совғалари топширилди.

Тадбирда Марказий темирйўлчилар маданият саройининг Бухоро филиали раққоса ва қўшиқчилари томонидан намойиш этилган саҳна кўринишлари, дилтортар куй-қўшиқлар, миллий рақслар танловнинг янада кўтаринки руҳда ўтишига ҳисса қўшди.