Термиз минтақавий темир йўл узели касаба уюшма худудий қўмитаси томонидан жорий йилнинг 20 февраль куни Ўзбекистон темирйўлчилари ва транспорт қурувчилари касаба уюшмаси Республика Кенгаши томонидан тасдиқланган Соғломлаштириш ва оммавий спорт тадбирлари календарь режасига асосан спортнинг оммавий турлари бўйича анъанавий Республика “Аёллар спартакиадаси”ни 1-боқичи шифокор ҳамда ҳамширалар, тез ёрдам машиналари билан таъминланган ҳолда ўтказилди. Унда Термиз минтақавий темир йўл узели касаба уюшма худудий қўмитасига аъзо 11 та корхона, ташкилот ва муассасалардан жами 106 нафар темирйўлчи хотин-қизлар иштирок этишди.

Мусабоқани Термиз минтақавий темир йўл узели касаба уюшма худудий қўмитаси раиси Ғ.Даминов очиб берди. Қизғин бахсларга бой ушбу мусобақада хакамлар хайъати томонидан ғолиблар аниқланди.

Спартакиаданинг волейбол спорт мусобақасида 1-ўринни Термиз локомотив депоси жамоаси, 2-ўринни Темир йўл шифохонаси жамоаси, 3-ўринни “Шарғункўмир” АЖ жамоалари эгаллади.

Стритболл мусобақасидан 1-ўрин Термиз алоқа ва ишорат корхонаси жамоасига, 2-ўрин Термиз темир йўл тармоқ СЭС жамоасига, 3-ўрин Термиз темир йўл масофа корхонаси жамоасига насиб қилди.

Енгил атлетика-100метрга югуриш бўйича олий ўринни “Шарғункўмир” АЖ ишчиси С. Рахимова, 2-ўринни Темир йўл шифохонаси ҳамшираси Х. Расулова, 3-ўринни Ғалаба станцияси ходимаси Р. Сулеймоновалар эгаллади.

Шашкада 1-ўринга “Шарғункўмир” АЖ ишчиси Ф. Хурсанова, 2-ўринга Термиз алоқа ва ишорат корхонаси электромеханик Д. Саак, 3-ўринга Темир йўл шифохонаси ҳамшираси Ф Боймурадовалар лойиқ деб топилди.

“Аёллар спартакиадаси”ни 50 ёш ва ундан ортиқ бўлган хотин-қизлар ўртасида дартс спорт мусобақасидан 1-ўринни “Шарғункўмир” АЖ хотин-қизлар қўмитаси раиси Ш. Зарипова, 2-ўринни Термиз МТУ худудий хотин-қизлар қўмитаси раиси Л. Абдалова, 3-ўринни Термиз темир йўл масофа корхонаси ходимлар бўлими инспектори М. Бердиевалар эгаллади.

Очколар ҳисобида энг юқори очко тўплаган умумжамоа ҳисобида “Шарғункўмир” АЖ жамоаси 1-ўринни, Термиз алоқа ва ишорат корхонасининг жамоаси 2-ўринни ва Термиз темир йўл шифохонасининг жамоаси 3-ўринни эгаллади.

“Аёллар спартакиадаси”ни 1-боқичи спартакидасининг барча ғолиблари Термиз МТУ касаба уюшма худудий қўмитасининг қимматбахо совғалари ва медаллари билан тақдирландилар.