Жорий йилнинг 6-7 декабрь кунлари Ўзбекистон Республикаси Конститутцияси қабул қилинганлигининг 29 йиллиги муносабати билан темирйўл тизимидаги корхона ташкилотларда касаба уюшма қўмиталари иштирокида турли ҳилдаги байрам тадбирлари ташкил қилинди. 

Хусусан, Бухоро минтақавий темир йўл унитар корхонаси касаба уюшмаси Ҳудудий қўмитаси томонидан Навоий узел тасарруфида бўлган корхона, ташкилот ва муассасаларнинг ишчи-ходимлари учун Тинчлик локомотив депосида концерт дастури ташкил этилди.

“Тошкент метрополитени” давлат унитар корхонасида Ислом академияси катта ўқитувчиси Саидабзал Саиджалолов ва Ўзбекистон Республикаси инсон хуқуқлари бўйича вакил Жасурбек Исроиловлар иштирокида давра сухбати ўтказилди.

Қўқон минтақавий темир йўл узели унитар корхонаси касаба уюшма Худудий қўмитасида “Спорт саломатлик гарови” шиори остида анъанавий спартакиада ўтказилди. Мусобақаларда 200 дан ортиқ ишчи-ходимлар спортнинг шашка, кегли, волейбол турлари бўйича аёллар ўртасида ҳамда мини футбол тури бўйича эркаклар ўртасида ўзаро беллашдилар.
Натижаларга кўра шашка бўйича Қўқондаги бирлашган темир йўл шифохонаси, кегли бўйича Андижондаги бирлашган темир йўл шифохонаси, волейбол бўйича Қўқондаги бирлашган темир йўл шифохонаси аёллар жамоаси 1-ўринни эгаллашди. Мини футбол бўйича Қўқон локомотив депосининг азамат йигитларига тенг келадиган жамоа топилмади.
Мусобақалар ғолиблари ва хакамлар хайъати вакилларига касаба уюшмасининг қимматбахо эсдалик совғалари топширилди.

 
Худди шундай спорт мусобақаси Бухоро минтақавий темир йўл узели унитар корхонаси Ҳудудий касаба уюшма қўмитаси бошчилигида волейбол, шашка, стол тенниси, дартс ва саватга тўп ташлаш бўйича оммавий спорт мусобақалари ўтказилди. Мусобақа ғолиблари бошланғич касаба уюшма ташкилотларининг қимматбахо эсдалик совғалари билан рағбатлантирилдилар.