Азиз юртдошлар!

Бугунги тароватли кунларда табиат уйғониб, жонажон диёримизга барчамиз орзиқиб кутган Наврўзи олам кириб келди.
Тинч ва осойишта юртимизга тўй-томошалар, байрамлар ярашади.
Айтиш жоизки, Наврўз ўзаро қадр-қиммат, ҳайру-саҳоват, меҳр-оқибат тимсолидир. Эзгулик, саҳоватга йўғрилган уйғониш, яшариш айёми бу йил дилларимизни яна қувончу-шодликка чулғади.
Жонкуяр, фидойи, меҳрибон ўзбек халқини, меҳнатсевар темирйўлчиларни Шарқнинг миллий байрами Наврўз айёми билан чин қалбимдан табриклайман.
Янги йилимиз — Наврўзи оламнинг қадами қутлуғ ва баракали келсин! Барчангизга сиҳат-саломатлик, бахт, омад, оилаларингизга тинчлик-тотувлик, файз ва барака тилайман.

Ўзбекистон темирйўлчилари ва
транспорт қурувчилари касаба уюшмаси
Республика Кенгаши раиси Қ.Сабиров