“Қуюв – механика заводи” шўъба корхонасида Касаба уюшма қўмитаси ҳамда ёшлар иттифоқи томонидан “Зукко китобхон-2022” кўрик-танлови ўтказилди.
Президентимиз Шавкат Мирзиёев томонидан илгари сурилган ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббус ҳамда “Ўзбекистон темир йўллари” акциядорлик жамияти бошқаруви раисининг буйруғи ижросини таъминлаш ва ёшлар ўртасида китобхонлик маданиятини ошириш, уларнинг интеллектуал салоҳияти ва маънавий савиясини юксалтириш мақсадида ташкил этилган танловда иштирокчилар 4 та шарт бўйича беллашишди.
Хайъат аъзолари иштирокчиларнинг китоб мутоаласи бўйича билимларини синаб, танлов ғолибларини аниқладилар. Унга кўра Ходимлар бўлими катта инспектори З.Н.Алимова 1-ўринни эгаллади. 2-ўрин Назорат устаси А.Т.Исломов ҳамда ходимлар бўлими инспектори Г.Н.Турабоевага, 3-ўрин Б.Х.Синдоровга насиб этди. Кучли учликдан қурилиш ва таъмирлаш цехи устаси Д.Ўринов жой олди.
Танлов ғолиблари диплом ва эсдалик совғалари билан тақдирланишди.