ТЕМИРЙЎЛЧИ АЁЛЛАР ХОН АТЛАС ФЕСТИВАЛИДА

Жорий йилнинг 29 сентябрь куни республикамизда атлас ва адрас тарғиботини кучайтириш, ипакчи ҳунармандларни ҳар томонлама қўллаб-қувватлаш, сайёҳларни ушбу миллий либосларимиз билан таништириш мақсадида ташкил қилинган ёрқин рангларга бой “Хон атлас 2022” миллий фестивали бўлиб ўтди.
Мазкур фестивалда “Ўзбекистон темир йўллари” акциядорлик жамиятида фаолият юритаётган хотин-қизлар ҳам фаол иштирок этишди. Тасарруфидаги корхона, ташкилот ва муассаларда фаолият юритаётган фаол хотин-қизлар ҳам иштирок этиб, ўзгача таассурот олишди. Шу куни темирйўлчи хотин-қизлар ўз иш жойларига ҳам миллий либосларда ташриф буюришди.

Хусусан, “Ўзбекистон темир йўллари” АЖ марказий клиник касалхонасининг шифокор-у, хамширалари ҳам миллий либосда, атлас матолари билан байрамона безатилган касалхона ховлисида касаба уюшма қўмитаси раиси бошчилигида яқинлашиб келаётган “Ўқитувчи ва мураббийлар куни” муносабати билан тадбир ташкил қилдилар. Унда ёши улуғ устозлар байрам тилаклари билан табрикланиб, касаба уюшма қўмитасининг қимматбахо совғалари билан сийландилар.