ТЕМИРЙЎЛЧИ АЁЛЛАР ЎРТАСИДА СПОРТ МУСОБАҚАСИ ЎТКАЗИЛДИ

Ўзбекистон темирйўлчилари ва транспорт қурувчилари касаба уюшмаси Республика Кенгашининг 2022 йил 20 октябрдаги 4-13-”с”- сонли “Касаба уюшмалари куни” байрамини нишонлашга тайёргарлик кўриш ва уни ўтказиш тўғрисида”ги Ижроия қўмитаси қарори ижросини таъминлаш мақсадида Тошкент минтақавий темир йўл узели касаба уюшма ҳудудий қўмитаси “Локомотив” марказий жисмоний тарбия ва спорт клубида аёллар ўртасида “Спорт – саломатлик гарови” шиори остида спортнинг “Дартс”, “Қисқа масофага югуриш”, “Баскетбол тўпини халқага тушуриш”, “Сакрамчоқ”, “Обруч айлантириш”, “Арқон тортиш” бўйича мусобақа ўтказди.
Унда “Тошкент темир йўл масофаси”, “Ўзбекистон” локомотив депоси, “Йўлрефтранс” АЖ, “Тошкент темир йўл техникуми”, “Марказий темирйўл клиник касалхонаси”, “Йўл болалар касалхонаси”, “Ховос узели”, Тошкент алоқа ва сигналлаштириш масофаси”, “Тошкент узел алоқа ва сигналлаштириш масофаси”, “Ихота дарахтзорларни ҳимоя қилиш дистанцияси”, “Салар темир йўл масофаси” нинг ишчи-ходимлари иштирок этдилар.
Ғолибларга Тошкент минтақавий темир йўл узели ҳамда касаба уюшма ҳудудий қўмитаси томонидан таъсис этилган совринлари топширилди.