МЕҲНАТ МУҲОФАЗАСИ БЎЙИЧА ҒОЛИБЛАР АНИҚЛАНДИ

“Тошкент минтақавий темир йўл узели” унитар корхонасининг Ҳудудий касаба уюшма қўмитаси томонидан корхона, ташкилот, муассасалар ва станциялар тизимида барча даражадаги касаба уюшмалари ташкилотлари, меҳнатни муҳофаза қилиш бўйича вакиллар ва меҳнат муҳофазаси бўйича ёш мутахассислар ўртасида жамоатчилик назоратини ташкил этиш юзасидан кўрик-танловнинг биринчи босқичи ўтказилди. Унда ҳудудларда фаолият кўрсатаётган корхона ва ташкилотлар, бошланғич касаба уюшма ташкилотлари, меҳнат муҳофазаси бўйича вакиллар, меҳнат муҳофазаси бўйича 35 ёшдан ошмаган ёш мутахассислар иштирок этиши таъминланди.
Мазкур кўрик-танловда иштирок этган “Тошкент минтақавий темир йўл узели” унитар корхонаси ва Ҳудудий касаба уюшма қўмитаси тассаруфидаги корхона ва ташкилотлар ҳамда муассасалар ишчиходимларининг вакиллари иштирок этди.
Меҳнат муҳофазаси бўйича жамоатчилик назоратини ташкил этиш бўйича кўрик-танловни ўтказиш учун ташкил этилган комиссия иштирокчиларнинг натижаларини кўриб чиқиб, қуйидагиларни ғолиб деб топди. “Меҳнат муҳофазасини ҳимоя қилишда энг яхши натижаларга эришган корхона” йўналишида 1-ўринга “Ўзбекистон” локомотив депоси бошлиғи Ф.Маҳаматов сазовор бўлди. 2-ўринни Ховос электр таъминоти масофаси бошлиғи Ғ.Маматмурадов қўлга киритди. Кучли учликдан Тошкент марказий алоқа ва сигналлаштириш масофаси бошлиғи О.Уроқов жой олди.
“Меҳнатни муҳофаза қилишда энг яхши касаба уюшмаси ташкилоти” йўналишида 203-Тажриба йўл машина станциясининг Касаба уюшма қўмита раиси Б.Аҳмедов 1-ўринга сазовор бўлди. 2-ўрин Темир йўл болалар касалхонаси бўлим мудираси, Касаба уюшма қўмитаси раиси М.Шаабдураҳимовага насиб этди. Тошкент алоқа ва сигналлаштириш масофасининг Касаба уюшма қўмитаси раиси С.Каримов 3-ўриндан жой олди. “Меҳнат муҳофазаси бўйича энг яхши вакил” йўналишида 1-ўрин Салар темир йўл масофаси йўл монтёри – меҳнат муҳофазаси вакили С.Раҳматуллаевга насиб этди. Ховос темир йўл касалхонаси муҳандиси, меҳнат муҳофазаси вакили 3.Исламова 2-ўринга сазовор бўлди. 3-ўрин Марказий темир йўл клиник касалхонасининг меҳнат муҳофазаси муҳандиси О.Киревага насиб этди.
Кўрик-танловнинг “Меҳнат муҳофазаси бўйича 35 ёшдан ошмаган энг яхши мутахассислар” йўналишида “Тошкент минтақавий темир йўл узели” унитар корхонасининг меҳнат муҳофазаси бош мутахассиси А.Иззатуллаев 1-ўрин соҳиби бўлди. 2-ўринни “Тошкент минтақавий темир йўл узели” унитар корхонаси омборчиси Д.Худайберганова эгаллади. Кучли учликдан “Тошкент минтақавий темир йўл узели” унитар корхонасининг Ҳудудий ахборот хавфсизлигини таъминлаш ва уни ривожлантириш бўлими етакчи муҳандиси Б.Абдурахмонов жой олди.
Танлов якунида ғолиб ва иштирокчилар “Тошкент минтақавий темир йўл узели” унитар корхонаси ҳамда Ҳудудий касаба уюшма қўмитасининг диплом ва совғалари билан тақдирланди.