“КАСАБА УЮШМАЛАРИ КУНИ” МУНОСАБАТИ БИЛАН ТЕМИРЙЎЛЧИЛАРДА БАЙРАМ ТАДБИРИ 

Шундан сўнг, “Ўзбекистон темир йўллари” акциядорлик жамияти бошқарув раиси З.Нарзуллаев сўзга чиқиб, тизимда рўй бераётган катта ўзгаришлар ва янгиликлар ҳақида гапириб, бу борада Муҳтарам Президентимиз ташаббуслари билан тизимдаги болалар оромгоҳлари, соғлиқни сақлаш, маданий-маърифий ва спорт объектларини сақлаш, аҳолига кўрсатиладиган хизматлардан тушадиган тушумларни ошириш ҳамда уларни босқичма-босқич ўзини ўзи молиялаштиришга ўтказиш юзасидан тизимли ишларни амалга ошириш бўйича “Темир йўл ижтимоий хизматлар” муассасаси ташкил этилиши, бу албатта “Ўзбекистон темир йўллари” акциядорлик жамияти томонидан меҳнат унумдорлигини ва унинг сифатини кескин даражада яхшилаш мақсадида олиб борилаётган саъй ҳаракатлари зое кетмай ўзининг ижобий натижасини беришини қайд этди.
Шу жумладан, жамият бошқаруви раиси барча касаба уюшма ходимларини тизимдаги барча ишчи-ходимларига қулай меҳнат шароитларини яратиш ва меҳнатга ҳақ тўлаш, бандлик ҳамда ижтимоий кафолатларни берилиши юзасидан жамоатчилик назоратини олиб бориш билан бирга, уларнинг ҳуқуқлари ва манфаатларини ҳимоя қилиб, моддий, маънавий жиҳатдан қўллаб-қувватлатлашда ижтимоий шерикчилик асосида фаолликка чақирди.

Шундан сўнг, байрам тадбирининг тантанали маросими - йилнинг энг яхшилари, энг фаоллари ва энг илғорларини тақдирлаш қисмига ўтилди. 

Унда Болаларни соғломлаштириш ва дам олдириш мавсуми ташкилотчилари ва жонкуярлари, “Энг намунали бошланғич ташкилот” кўрик-танлови ғолиблари, Меҳнат муҳофазаси бўйича жамоат назоратини энг яхши ташкил этиш юзасидан Республика кўрик-танлови 2-босқич натижалари ғолиблари, “Энг яхши касаба уюшма қўмитаси”, “Энг яхши меҳнат муҳофазаси вакили” “Энг яхши меҳнат муҳофазаси бўйича ёш мутахассис” номинациялари ғолиблари тақдирландилар. Номинантларга диплом, ташаккурнома ва қимматбаҳо совғалар топширилди.

Шунингдек, байрам муносабати билан Республика Кенгаши ижтимоий суғурта бюджети маблағлари ҳисобидан темирйўл тизимида ишлайдиган кам таъминланган, кўп болали, фарзанд кўрмаган оилалар аъзоларига ҳамда олис ва чекка ҳудудларда мураккаб иқлим шароитида истиқомат қилувчи 10 нафар тармоқ ишчи-ҳодимларига Тошкент вилоятида жойлашган “Назарбек” санаторийсида соғломлаштириш учун умумий нархи 30 миллион сўм миқдорида бепул йўлланмалар ажратилди.